Baithe the mushtande mitra! saari raat chala chalchitra!
bhor bhayo to bhojan bhave!class posting sab marwave!
mitra gaye to taani chaddar! tent banaya mast kalandar!
khuli aankh to andhera tha! pet phir kurlane laga tha!
uthne ka kasht kaun uthaye, room pe pizza mangavaye!
phir baaton mein baje baara,aur khula facebook ka pitara!
socha bahut hua khufiyaap!ab to padh le mere baap!
tabhi darwaaza khatkhataya, mera priya dost muskuraya!
tere paas hai kya avatar? ek baar phir shuru kavita!yaar!
